Fagdag Bonden og vatnet

31.10.2025 av Karen Hornnes

Vi ynskjer å invitere deg som bonde til fagleg påfyll og ein lærerrik dag som tek for seg ulike tema knytt til landbruksnæringa og påverknad på vassmiljøet. Det blir innlegg om mellom anna gjødselbrukforskrifta, kantvegetasjon mot vassdrag, biorest, landbruksplast og tilskotsmidlar.

Arrangementet er eit samarbeid mellom Landbrukskontoret for Gloppen og Stad, Statsforvaltaren i Vestland, Vestland Bondelag, Sogn og Fjordane bonde og småbrukarlag, prosjektet "Bonden og elva", Innovasjon Norge, Nordfjord vassområde og Vestland fylkeskommune.

Fagdag "Bonden og vatnet"

Når: måndag 03.11.2025 kl. 10.00-15.00

Stad: Kinosalen i Trivselshagen, Sandane

Velkomen til ein dag med fagleg påfyll, gode diskusjonar og god mat!

Det vert innlegg frå Statsforvaltaren i Vestland, Innovasjon Norge, Vestland Fylkeskommune med fleir

Vi ynskjer å belyse tema som går på gardsdrift og påverknad på vatnet på garden. Størst fokus vert på den nye gjødselbrukforskrifta.

Program:

10.00-12.00

Velkomen

Kvifor skal vatnet vårt ivaretakast?

Prosjektet “Bonden og elva”

Kantvegetasjon og kanaliserte bekkar

Lagring av rundballar og landbruksplast

Gjødselbrukforskrift

12.30-13.15 Lunsj

13.15-15.00

SMIL-tilskot

Tilskot til gjødsellager og grovfôrlager

Biorest

Oppsummering og vel heim

Med forbehold om at det kan bli endringar i programmet.